這些日子我感到很幸福, 因為我捉住了真實被愛護的感覺, 多謝天父將他放在我身邊, 我相這是您為我安排的, 或者是他的誠意感動了您罷...hehe...

他的出現令我學習什麼是愛與付出, 原來有人在身邊支持自己, 力量是多於雙倍...可能是我以前誤解了, 以為讓別人照顧自己是等如懦弱, 但其實剛好相反, 因為兩個人的力量是更強, 是可以面對及戰勝更多的挑戰~

謝謝你, 尤其是你對我的包容與接納, 我欠缺了女仔應有的溫柔與細心, 卻多了很多奇想和對自己夢想追求的執著與硬頸...但你一一的去了解我, 更給我心靈上及實際上的支持. 你在我身邊, 我真的很放心....就算你很快不在香港, 我反而會覺得我們的感情會更加堅固, 因為大家會學會珍惜...

**這數天要為我的面試預備, 很緊張, 認真程度猶如考A-Level, 因為這是我一直的夢想工作. 不過, 就算最後結果怎樣, 我都會接受, 因為我已經努力過, 其餘我控制不了的事情, 就交給神好了, 因為祂總會赐我出人意外的平安, 並安排最好的給我! 同時, 多謝一直在我身邊支持及給予我鼓勵的人, O+2已經覺得很滿足了

910房外的夜風叫得很使勁, 間中聽到雨水滴落水管的清脆聲音, 為夜空添了些旋律...很動聽....原來已經是零晨的四點半, 剛練完了歌及跳舞, 可以靜下來做功課了...很忙似的, 但還是享受, 可惜另一邊廂, 身體已響起警號, 每天起身的樣子出賣了我, 看起來十分無神, 再不是當年容光煥發一般, 別人說我的笑容少了許多, 好似有什麼壓力...問自己, 亦不知原由, 只是覺得沒有事情會令自己心情大起大落~ 這是因為我嚴肅了, 還是生活迫人所致?! 不知道....只是覺得現在身處的大氣層下令人感到有點透不過氣來....

今日一個人在街市附近食粥, 發覺原來自己真的很享受一個人的時間....無他的, 或許是自己太自私罷, 不喜歡遷就別人, 一個人的時間可以讓嘴巴休息下, 同時讓腦袋轉動多點, 不怕別人誤解你, 因為這刻只有你一人~ 只有自己是最明白自己的.....哈, 其實自己的性格的確幾奇怪~

**聽番alex的<無雙譜> & janice的<my love my fate>, 好似好耐冇聽過嘅歌, 原來都隔左兩三年了....但感覺仍然冇消失到, 是簡單直接的愛恨分明的感覺, 現在...已經找不回來

真係好開心, 好開心, softball第一場interhall 贏左RC hall....一埸好驚險嘅比賽, 冇諗過會反敗為勝~

打到半場仲落後兩分真係好灰, 以為最後一年interhall就錦完左....好彩到尾段大家互相cheer up, 知道點都要打落去, 要完完整整錦打埋去....就係錦, 在最後攞多幾分~ 更加冇諗過我自己可以幫隊team攞到一分....當我跑緊返home, 心諗一定要快過個波到, 同自己講一定要全力跑...最後剷埋個壘...yeah~ 得左喇, 我攞左3年來的第一分! 之後跑埋去d觀眾度, d hallmates 為你歡呼拍手, 隊友擁抱住你, 個個情緒都好高漲, 而我真係感動, 呢個屬於運動精神嘅喜悅好耐都未試過.....呢個場面我會好好記住, 因為我諗呢次可能係我人生最後一次錦樣為一樣運動努力~

接著落黎仲有幾場pool 賽, 對手更強, 的確有d擔心...點都好, 都係個句, 盡力就得, 享受係最緊要....同埋學會了在壓力下控制自己情緒, 好似勤勤所講, 在球場上唔可以有情緒, 唔可以比自己波動....要做到錦的確唔易, 但現在領悟到一點點~ Hysan softball team 加油！！

＊＊今晚練波整親隻手，手指尾好似隻蘿蔔．．要快ｄ好返

今日黃昏在P2練softball, 個日落好靚, 加埋d海風吹過黎, 好舒服~

計計下喺度練波已三年, 不過用心用力嘅又有幾多次呢?! 以往兩年, 一向將softball 放喺dancing之下, 所以對自己嘅要求唔高...但今日, 知道自己仲可以打softball , 可以同一班teamates 在草場上努力練波嘅時間唔多, 更可況interhall 下星期就係...好想比個目標自己, 幫隊team 出pool, 亦明白呢個係我嘅責任, 但事實令我不禁問自己, 我究竟係咪有呢個能力, 我知道就算依家好有心, 但都太遲.... 我一向唔係敏捷, 跑壘又唔夠快, 打bet又唔夠力...呢一切, 幾天時間可以改進到幾多?!

呢刻我完全感受到咩叫 "有心無力", 有時真係好炆自己點解做極都唔得, 同時又好唔想令人失望......anyway, 要控制自己情緒, 依家可以做嘅就只有珍惜剩低嘅時間, 唔好比自己有後悔嘅地方.

我要努力, 就睇下自己可唔可以完成last sem的一個心願